سولو واحد المكلخ: كيفاش دير إيلا بغيتي تصيد قنية؟
قال ليهم: غادي نتخبى مورا شي شجرة ونقلد الصوت ديال خيزو
--------------------------------------------------------------------------
هادي واحد البنت وصلات المدرسة معطلة
قال ليها الاستاد: مالكي تعطلتي؟
قالت ليه: راه واحد كان كيتبسل عليا و تابعني
قال ليها المعلم: إيوا إيلا كان شي واحد تابعك غادي توصلي دغية ماشي تعطلي
قالت ليه: راه هو اللي كان كيتمشى بشوية
--------------------------------------------------
سولو واحد المكلخ: فاش خدا نجيب محفوظ جائزة نوبل؟
قال ليهم: في كرطونة
-------------------------------------------------------------------
هادا واحد بغى يشري بيستاش وما عرفش سميتو
مشى عند مول الحانوت وقال ليه: عطيني كاوكاو اللي كيضحك
------------------------------------------------------
واحد المعلم سول التلميد: علاش تعطلتي؟
قال ليه الولد: واحد الراجل كان كيقلب على 100 درهم ديالو
المعلم: مزيان، هي كنتي كتعاونو يقلب عليها
التلميد: لا، كنت حاط رجلي عليها
---------------------------------------------------------
هادا واحد البورطابل دار مع واحد البورطابلة باش يتلاقاو، ساعة تعطل عليها
قالت ليه البورطابلة: أش هاد التعطيلة؟
قال ليها البورطابل: واحق الريزو اللي بناتنا إيلا غي كنت كنتشارجا
------------------------------------------------------------------
واحد المرا قالت لراجلها: دلعني!
قال ليها: انتي قمرة
قالت ليه: انت شمش
قال ليها: انتي لؤلؤ
قالت ليه: انت ألماس
قال ليها: انتي مشة
قالت ليه: انت كلب
قال ليها: انتي طااااااااااااااااااااالق
---------------------------------------------------------
واحد الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L'étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام
------------------------------------------------------
هادا واحد خينا راسو كبيييييييير ركب في الطوبيس، وبقا كيغني أغنية ديال الدراري الصغار وتيميل براسو على ليمن ... وعلى ليسر ...
(عندي بااااااااابا ... وعندي ماااااااااااااما ... ديما معاااااايا ... حتى في النوووووووووم)
ملي كان الطوبيس غادي، واحد البوليسي حبس الشيفور ديال الطوبيس ...
قال ليه: عندك 400 درهم خطية
الشيفور: علاش؟ ياك لاباس؟
البوليسي: راه الطوبيس تيميل على ليمن وعلى ليسر
الشيفور كعا وسب هاداك خينا اللي راسوا كبير
صاحبنا بو راس كعا حتى هو ...
قال ليه: ياك؟ كتعايرني؟ واخا!
غا زاد الطوبيس شوية وبدا بوراس كيغني ليه أغنية
الكناوي ناوي ناوي ... الكناوي يا سادتي)
Inscription à :
Publier les commentaires (Atom)
Aucun commentaire:
Enregistrer un commentaire